Liefde is……..

Februarie 15, 2008 om 11:58 vm | Posted in Uncategorized, Vorige paadjies | 13 Kommentaar

Gisteraand kon ek en Willie vir die eerste keer in 2 en ‘n halwe maand vir die eerste keer alleen uitgaan. Ons kon my broer by die versorger en my ma los en vir ‘n rukkie uitgaan.

Ek weet nie hoeveel van julle ken vir Kallie Roos, die motiveringspreker nie. Wat ‘n merkwaardige man! Hy het onlangs by ons gemeente ingeskakel en van die praatjies wat hy hou gebeur nou gereeld by Wiessenhof by die Irene Village Mall hier naby ons.  En dit is toe nou waar ek en Willie sommer net gaan sit en ontspan het. Jy bestel watookal jy lus is om te eet of te drink ( of wat jou sak pas) en as almal so teen 7.30 gesettle is, begin hy so vir 30 minute gesels.

Sy tema gisteraand was “Liefde is…” 

Hy gebruik die beeld van drie sirkels wat mekaar in die middel oorvleuel, en liefde is daardie deel in die middel waar die drie sirkels oorvleuel.

Die eerste spoor van drie in die  Liefde is -sirkel is OM NA JOUSELF OM TE SIEN,  fisies en geestelik. Om jouself ruimte te gee om te verbeter. Gun jouself tyd om bv. ‘n nuwe vaardigheid aan te leer, tyd om te doen dit waarvan jy hou. Versorg jou liggaam en jou gees.

Die tweede spoor in die sirkel is OMGEE VIR DIE MENS(E) NAASTE AAN JOU. En dan ook aan hulle die geleentheid en die spasie te gee, sodat hulle hulleself ook net soos jy self kan verryk en versorg

En die derde spoor in die sirkel is RESPEK VIR ANDER MENSE IN DIE SAMELEWING. Elkeen met sy eie agtergrond,godsdiensopvatting, kultuur, huislike omstandighede het net soos ek en jy die nodige respek nodig.

Ek deel hierdie met julle omdat dit vir my so ‘n eenvoudige resep vir Liefde is en dit so ‘n kosbare iets is wat mens maar net daagliks saam met jou kan dra. Veral deesdae in die omstandighede waarin ons lewe is die waar Liefde nie juis iets waaraan daar baie gedink word nie.

‘n Liefdevolle naweek aan almal!!

13 Kommentaar »

RSS feed for comments on this post. TrackBack URI

  1. Ek is baie bly om te hoor dat julle so bietjie kon uitkom. Hoe gaan dit nou met jou broer?

  2. Goeie beginsels. Goeie les. Dankie. ‘n Liefdevolle naweek vir julle ook.

  3. Ook bly om te hoor julle kon dit darem toe geniet! Onthou julle daardie ou “Liefde Is” prentjies? Ek het een raakgeloop by die Vlaamse dame wie se blog ek lees: http://anneman.wordpress.com/2008/02/14/liefde-is/

  4. Dit is baie mooi! Dis wonderlik om die liefde in Valentynsdag raak te sien, nie net hoe kommersieel dit geword het nie.
    Mens moet eintlik net almal ‘n treë terugstaan, diep asemhaal en weer op jou lewe fokus. Die lewe en liefde het soveel om ons te bied, maar so min van ons neem die tyd soos jy en jou man gisteraand gedoen het om te stop en weer te besin. So nofige tydjies, maar tog so skaars….

  5. oeps, *nodige* en nie *nofige*….

  6. pragtig en waar!

  7. Begin mens by die eerste sirkel? Maw, liefde vir jouself? Ek hoop so, want ek sit juis nou by so stopstraat!

  8. Dis ‘n pragtige manier om liefde te verduidelik… baie waar.

  9. maak soveel sin. Goed dat jy en Willie bietjie kon uitgaan en dan nou saam na so iets kon luister ook.

  10. Dis weer die eerste keer sedert die laaste week in Jan wat ek hier ‘n draai maak! Dink baie aan jou….! Sterkte met jou broer! Liefies T

  11. Dankie vir jou mooi woorde op my blog. Bly jy geniet dit – soms lekker om net weg te raak in ‘n heel ander gedagtegang – mindset.

    Groetnis
    Karl

  12. voetjies , my eerste keer op jou blog en ook nie meer seker hoe ek hier geland het nie. Gaan grawe toe rond in jou ou stories en kom af op die ene van jou broer,Johan. Om te se my hele lyf was vol hoendervleis is nie n aks van die emosie wat ek ervaar het terwyl ek jou inskrywing lees nie.
    Jy skryf ongelooflik mooi!

    Sterkte met die nuwe dinge. Lekker gelag vir jou man se “want ek kan vinnig ry” Dis so bekend!

  13. Het jy dalk vir my Kallie Roos se besonderhede? Ek het al ‘n paar keer na hom geluister, en hy bring ‘n fantastiese boodskap.

    Baie dankie

    Joey


Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s

Create a free website or blog at WordPress.com.
Entries en Kommentare feeds.

%d bloggers like this: